Wednesday, June 27, 2018

महिला प्रवाशांनी वाचला अडचणींचा पाढा

'पीएमपी'तर्फे सुसंवाद दिनाचे आयोजन

थांब्यासमोर पीएमपी बस थांबत नसल्याने ती पकडण्यासाठी ज्येष्ठ महिलांना धावपळ करावी लागते. बस दरवाज्यांच्या पायऱ्यांवर तरुण-पुरुष प्रवासी उभे असल्याने थांब्यावर उतरताना महिला प्रवाशांना अडचण येते, ज्येष्ठ महिलांना बसायला जागा मिळत नाही, अशा अनेक तक्रारी महिला प्रवाशांनी मंगळवारी केल्या.

#MonsoonSession सोळा वर्षांनंतर तरी बीडीपीचा प्रश्‍न सुटेल का?

पुणे - शहरातील जैववैविध्य उद्यानाच्या (बीडीपी) आरक्षणाचा मोबदला काय आणि किती द्यावा, हा ‘गहन’ प्रश्‍न सोडविणे राज्य सरकारला गेल्या १६ वर्षांत जमले नाही. त्‍यामुळे पुण्यातील ४८ ते ५० हजार कोटी रुपये किमतीची ९७६ हेक्‍टर जागा पडून आहे आणि त्यावर अतिक्रमणे होऊ लागली आहेत. 

शिक्षण, रोजगारासाठी ‘सारथी’ची स्थापना

पुणे - मराठा आरक्षणाचा मुद्दा न्यायालयात असून, त्यानुसार मागासवर्गीय आयोगाची स्थापनादेखील केली आहे. तरीही आरक्षणाशिवाय मराठा समाजाला शिक्षण व रोजगार उपलब्ध करून कुशल मनुष्यबळ तयार करण्यासाठी ‘छत्रपती शाहू महाराज संशोधन, प्रशिक्षण व मानव विकास संस्था’ अर्थात ‘सारथी’ची स्थापना केल्याचे मत मुख्यमंत्री देवेंद्र फडणवीस यांनी मंगळवारी व्यक्त केले. 

#MissionAdmission अकरावीसाठी ७६ हजार अर्ज

पुणे - अकरावीच्या प्रवेश प्रक्रियेत कला, वाणिज्य, विज्ञान आणि एमसीव्हीसी या शाखांसाठी असलेल्या एकूण ९६ हजार ३२० जागांसाठी सुमारे ७५ हजार ९३९ विद्यार्थ्यांनी ऑनलाइन अर्ज केले आहेत. विज्ञान शाखेच्या ३९ हजार ९० जागा असून त्यासाठी ३२ हजार ७५९ विद्यार्थ्यांनी नोंदणी केली आहे.

[Video] भुयारी मार्ग बनला कचराकुंडी !

पुणे - केशवराव जेधे उड्डाण पुलाखालील भुयारी मार्गात अस्वच्छता आणि घाणीचे साम्राज्य वाढले आहे. तसेच जुगारी, तळीराम आणि नशेखोरांच्या टोळक्‍यांच्या वावरामुळे नागरिकांच्या सुरक्षिततेचा प्रश्‍न निर्माण झाला आहे. दारूच्या बाटल्या, प्लॅस्टिकच्या पिशव्यांमुळे भुयारी मार्ग जणू कचराकुंडीच बनला आहे. 

लावणीवर थिरकली महिलांची पावले

पुणे - महिलांनी वाजविलेल्या शिट्ट्या, टाळ्या अन जल्लोषपूर्ण आवाज बालगंधर्व रंगमंदिरात दुमदुमत होता. "या रावजी, बसा भावजी', "माझ्या नवऱ्यानं सोडलीय दारू, बाई देव पावला गं', "झाल्या तिन्ही सांजा', "मला जाऊ द्या ना घरी', "विचार हाये पक्का', यांसारख्या रंगतदार लावण्या रंगमंचावर एका पाठोपाठ सादर होत होत्या अन ढोलकीचा कडकडाटही घुमत होता. 

पुण्यात २६ दिवसांत १४६ मिलिमीटर पाउस

पुणे - पुण्यात २६ दिवसांत १४६.३ मिलिमीटर पावसाची नोंद झाली. सरासरीपेक्षा २६.२ मिलिमीटर पाऊस जास्त पडला असल्याची माहिती हवामान खात्याने मंगळवारी दिली. पुढील चार दिवसांत हलक्‍या स्वरूपाच्या पावसाच्या एक-दोन सरी पडतील, अशी शक्‍यताही वर्तविण्यात आली आहे. संध्याकाळी साडेपाच वाजेपर्यंत चार मिलिमीटर पावसाची नोंद झाली. लोहगाव येथे सहा मिलिमीटर पाऊस पडला. पुण्यात आज सलग दुसऱ्या दिवशी पावसाने हजेरी लावली. सकाळपासून आकाश ढगाळ होते. दुपारी बारापासून पावसाला सुरवात झाली. कोथरूड, सिंहगड रस्ता, कात्रज, धनकवडी, पाषाण, शिवाजीनगर, नगर रस्ता, बाणेर, बालेवाडी या उपनगरांसह शहरातील मध्य वस्तीतील पेठांमध्ये पावसाचा जोर मोठा होता. तासभर पडलेल्या पावसाने दुपारी विश्रांती घेतली. संध्याकाळनंतर परत पावसाच्या हलक्‍या सरी पडू लागल्या. रात्री उशिरापर्यंत या सरी पडत होत्या. 

पुणे रत्न पुरस्कार विद्या बाळ यांना प्रदान

पुणे - ‘‘एखाद्या क्षेत्रात आल्यानंतर प्रत्येकाचा संघर्ष वेगळा असतो. अनेक वर्ष पैसा, प्रसिद्धीपासून लांब राहून कार्यकर्त्या म्हणून काम करत राहणे कठीण असते. लढा देणाऱ्यांना ऊर्जा देण्याचे काम स्त्रियांची चळवळ करत असून, यामध्ये समाजातील विविध घटकांनी सहभाग घ्यावा,’’ असे आवाहन सामाजिक कार्यकर्त्या विद्या बाळ यांनी केले.

ऑनलाइन बांधकाम परवानगी प्रणाली सुरू

पुणे - पुणे महानगर प्रदेश विकास प्राधिकरणाकडून (पीएमआरडीए) ऑनलाइन बांधकाम परवानगी प्रणाली सुरू करण्यात आली आहे. सध्या एक इमारत असलेले गृहप्रकल्प आणि औद्योगिक बांधकामांना बुधवारपासून (ता. २७) परवानगी देण्यास सुरवात करण्यात येणार आहे.

स्वच्छ भारत अभियानातील शौचालये हवेत!

येरवडा : ‘स्वच्छ भारत’ अभियानाअंतर्गत येरवडा भागात बांधलेली सुमारे एक हजार वैयक्तिक शौचालये केवळ कागदावर असल्याचा धक्कादायक प्रकार समोर आला आहे. प्रत्येक शौचालय रेखांश व अक्षांश घेऊन बांधले आहेत. त्यामुळे वैयक्तिक शौचालयांमध्ये गैरव्यवहार झाले नसल्याचा निर्वाळा सहायक महापालिका आयुक्त विजय लांडगे यांनी दिला आहे. येरवडा परिसरात वाल्मिकी आंबेडकर घरकुल योजना व शहरी गरीबांसाठी घरकुल योजना (बीएसयुपी) अंतर्गत मोठ्या प्रमाणात घरकुले बांधली आहेत. या योजनेमध्ये शौचालय बांधणे सक्तीचे होते.