Sunday, September 2, 2018

प्रत्येक महिन्यात विकासकामांचा आढावा

आयुक्त सौरभ राव यांचे आदेश ; कामांना गती येण्यासाठी पहिल्या गुरुवारी बैठक
पुणे : महापालिकेच्या अंदाजपत्रकात प्रस्तावित केलेल्या कामांना गती मिळावी यासाठी आयुक्तांकडून यापुढे प्रत्येक महिन्याच्या पहिल्या गुरुवारी विकासकामांची आढावा बैठक घेतली जाणार आहे. त्यासाठीचे कार्यालयीन आदेश आयुक्त सौरभ राव यांनी काढले आहेत.

पालिकेतील विभागप्रमुखांच्या बदल्या

त्वरित कार्यभार घेण्याचा आयुक्त सौरभ राव यांचा आदेश
पुणे : महापालिका आयुक्त सौरभ राव यांनी विभागप्रमुखांच्याही बदल्या केल्या आहेत. घनकचरा व्यवस्थापन विभागाचे सहायक आयुक्त सुरेश जगताप यांच्यासह अन्य काही महत्त्वाच्या विभागप्रमुखांना दुसर्‍या विभागात हलविण्यात आले आहे. दुसर्‍या ठिकाणचा कार्यभार त्वरित घेण्याचे आदेश देण्यात आले आहेत.घनकचरा व्यवस्थापन विभागाचे जगताप यांना आता उपायुक्त परिमंडळ क्रमांक 4 हे पद देण्यात आले आहे. त्यांच्या जागेवर सहायक आयुक्त ज्ञानेश्‍वर मोळक यांची नियुक्ती करण्यात आली आहे. मोळक यांच्याकडे स्थानिक संस्था कर व परिमंडळ क्रमांक 4 चा कार्यभार होता. स्थानिक संस्था कर कायम ठेवून परिमंडळ क्रमांक 4 मधून त्यांना कार्यमुक्त करण्यात आले आहे.

येत्या बारा सप्टेंबरला शहरात ‘नो-हॉर्न डे’

प्रादेशिक परिवहन कार्यालय (आरटीओ) आणि वाहतूक पोलिस शाखेकडून शहरात १२ सप्टेंबरला 'नो-हॉर्न डे'चे आयोजन करण्यात आले आहे. या दिवशी वाहनचालकांनी गाडी चालविताना हॉर्नचा अजिबात वापर करू नये, असे ‌आवाहन करण्यात येणार आहे. शहरातील वाहतुकीची स्थिती दिवसेंदिवस गंभीर बनत असून, हॉर्नच्या अनियंत्रित वापरामुळे ध्वनिप्रदूषणात वाढ झाली आहे. त्यामुळे नागरिकांना मानसिक आणि शारीरिक व्याधींचा सामना करावा लागत आहे. त्यातून एक दिवस का होईना सुटका व्हावी, यासाठी 'नो-हॉर्न डे'ची संकल्पना राबविण्यात येणार आहे.

Traffic fines: 92 passport applications held up

The city police have put the passport applications of 92 people on hold for failure to pay fines for traffic violations.

पुण्याच्या प्रत्येक पोलिस ठाण्यात 'व्हिजीटर्स मॅनेजमेंट सिस्टिम'

पुणे : शहर पोलिस आयुक्तालयातील प्रत्येक पोलिस ठाण्यात शनिवारपासून ‘व्हिजीटर्स मॅनेजमेंट सिस्टिम’ सुरू करण्यात आली. या अंतर्गत पोलिस ठाण्यात येणाऱ्या प्रत्येक नागरिकाची संगणीकृत नोंदीसोबतच संबंधितांचे छायाचित्र, येण्याचा उद्देश, येण्याची व जाण्याची वेळ आदींची नोंद करण्यात येत आहे. या यंत्रणेमुळे नागरिकांच्या तक्रारींचे तत्काळ निरसन होणार आहे. 

नियमभंग करणाऱ्या वाहनचालकांची नावे वाहतूक शाखेच्या संकेतस्थळावर

पुणे : वाहतुक नियमांचा वारंवार भंग करणाऱ्या वाहनांच्या आणि चालकांच्या नावांची यादी वाहतूक पोलिसांनी तयार केली आहे. सातत्याने नियमभंग करणाऱ्या दोनशे वाहनचालकांचा या यादीमध्ये समावेश करुन ही यादी वाहतुक पोलिसांच्या संकेतस्थळावर प्रसिद्ध करण्यात आली आहे. 

बेशिस्त चालकांची ‘शंभरी’

पुणे : गुणवत्ता यादीतील 'टॉपर्स' कायमच औत्सुक्याचा विषय ठरतात. शहर वाहतूक पोलिसांनीही अशाच प्रकारची पहिल्या शंभर 'टॉपर्स'ची यादी प्रसिद्ध केली आहे. मात्र, हे 'टॉपर्स' त्यांच्या गुणांमुळे नाही, तर बेशिस्त वाहतुकीमुळे यादीत 'झळकले' आहेत. वाहतूक पोलिसांनी 'सीसीटीव्ही'द्वारे केलेल्या कारवाईत सर्वाधिक कारवाई झालेल्या शंभर जणांची यादी प्रसिद्ध केली आहे. पहिल्या क्रमांकावरील वाहनचालकाने ३२ वेळा नियमभंगाची 'कामगिरी' केली आहे. शंभराव्या क्रमांकावरील वाहनचालकाने १६वेळा नियमभंग केला आहे.

मेट्रो स्टेशनला मावळ्यांच्या पगडीचा लूक

पुणे मेट्रो प्रकल्पातील पिंपरी-चिंचवड ते स्वारगेट (रिच 1) आणि वनाज ते रामवाडी (रिच 2) या 31.5 किलोमीटरच्या मार्गामध्ये एकूण 30 मेट्रो स्टेशन असणार आहेत. कमीत कमी अंतरांवर असणार्‍या स्टेशनमुळे शहराच्या वाहतूक कोंडीच्या समस्येचर तोडगा निघणार आहे. सध्या मेट्रो मार्गांसह स्टेशनचे कामही आता सुरू झाले असून पुण्याच्या मातीशी नाळ जोडण्यासाठी या स्टेशनला मावळ्यांच्या पगडीचा लूक देण्यात येणार आहे.

‘Builders not complying with govt rules, lack of manpower challenges before housing societies’

Since 1974, the Pune District Cooperative Housing Federation Limited has been working in the sector of cooperative housing societies. Pune and its surrounding areas have seen a construction boom as more and more buildings have started coming up. As the chairman of the Federation, Suhas Patwardhan has been at the forefront of demanding better representation for housing societies. Recently, the Federation launched a special programme to help in redevelopment of housing societies. In an interview with Pune Newline, Patwardhan speaks about the latest initiative as well as other issues affecting the housing sector

[Video] पुण्यात सुमारे पन्नास सोसायट्यांचा पुनर्विकास रखडला

पुणे जिल्ह्यात सुमारे ४ ते ५ हजार जुन्या गृहनिर्माण सोसायट्यांना पुनर्विकास करायचा आहे. मात्र, नोटबंदी, मानसिकता सरसकट नसणे, नव्याने आलेला रेरा कायदा यामुळे त्यास मूर्त स्वरुप येत नसल्याची वस्तुस्थिती आहे. तर ज्या सोसायट्यांनी पुनर्विकासासाठी बिल्डरला काम दिल्यानंतर काही ना काही कारणाने ते पूर्ण न झाल्याने सुमारे ५० सोसायट्यांचे काम बंद पडले आहे. त्यामुळे  एका अभ्यास गटाची निर्मिती करुन प्रश्‍न सोडविण्यासाठी प्रयत्न सुरु असल्याची माहिती पुणे जिल्हा सहकारी गृहनिर्माण महासंघाचे अध्यक्ष सुहास पटवर्धन यांनी दिली.