Friday, November 2, 2018

फडणवीस गुरुजींनी दिला कानमंत्र

'वैयक्तिक कामगिरीऐवजी संघाच्या विजयासाठी खेळणारेच मैदान मारतात. त्यामुळे स्वार्थापेक्षा संघभावनेचा विचार करा,' असा संदेश मुख्यमंत्री देवेंद्र फडणवीस यांनी गुरुवारी भारतीय जनता युवा मोर्चाच्या व्यासपीठावरून दिला. खेळाचा संदर्भ देऊन त्यांनी स्वपक्षीयांना आगामी निवडणुकीच्या पार्श्वभूमीवर कानमंत्र दिल्याची चर्चा उपस्थितांमध्ये रंगली होती.

पुणेकरांना अखेर मुख्यमंत्र्यांचा दिलासा

पुणेकरांना दिवाळीनंतरही किमान दररोज एक हजार ३५० दशलक्ष लिटर (एमएलडी) इतके पाणी द्या,' असा आदेश मुख्यमंत्री देवेंद्र फडणवीस यांनी गुरुवारी जलसंपदा विभागास दिला आहे. अपुऱ्या पाणीपुरवठ्यामुळे आधीच हैराण झालेल्या पुणेकरांवर दिवाळीनंतर लादण्यात येणारी यापेक्षाही वाढीव पाणीकपात यामुळे टळणार आहे.

शहराच्या विकासात कात्रज-कोंढवाचे महत्व

जागतिक पातळीवर मुंबईपाठोपाठ पुण्याकडे पाहिले जाते. उत्तम शहर म्हणून पुण्याचा विकास सुरू असून, येत्या काळात शहराचे चित्र बदलेल. शहराच्या विकासात कात्रज- कोंढवा हा सर्वांगसुंदर रस्ता महत्वाचा टप्पा ठरणार आहे,' असे मत मुख्यमंत्री देवेंद्र फडणवीस यांनी व्यक्त केले.

वारसा स्थळांमध्ये २५१ ठिकाणांची नावे

पुणे महानगरपालिकेच्या वारसा स्थळांच्या यादीमध्ये (हेरिटेज लिस्ट) तीन श्रेणीत २५१ ठिकाणांचा समावेश करण्यात आला असून, त्यात मंदिरे आणि शैक्षणिक संस्थांचा भरणा सर्वाधिक आहे. 'विद्येचे माहेरघर' म्हणून ओळखल्या जाणाऱ्या पुण्यातील शाळा, महाविद्यालये, उच्च शिक्षण संस्था आणि विद्यापीठे अशा सर्व प्रमुख शैक्षणिक संस्थांचा समावेश यादीमध्ये करण्यात आला आहे. ही सविस्तर यादी पालिकेच्या वेबसाइटवर प्रसिद्ध करण्यात आली असून, नागरिकांना महिन्याभरात त्यावर हरकती-सूचना नोंदविता येतील; तसेच त्यामध्ये आणखी काही वास्तूंची नावे सुचविता येणार आहेत.

बेकायदा फ्लेक्सचानगरसेविकेला फटका

महापालिकेच्या मुख्य इमारतीसमोर कार्यकर्त्यांनी वाढदिवसाच्या शुभेच्छा देणारा मोठा फ्लेक्स लावणे भारतीय जनता पक्षाच्या नगरसेविकेला चांगलेच महागात पडले आहे. बेकायदा पद्धतीने फ्लेक्स लावण्यात आल्याने उच्च न्यायालयाच्या आदेशानुसार संबंधित नगरसेविकेच्या विरोधात गुन्हा दाखल करावा, असे पत्र घोले रोड क्षेत्रीय कार्यालयाने शिवाजीनगर पोलिसांना दिले आहे. येरवडा तसेच ढोले रोड क्षेत्रीय कार्यालयाने असे पत्र पोलिसांना दिले आहे.

पीएमपी प्रशासनाचीटाटा कंपनीकडे विचारणा

पुणे महानगर परिवहन महामंडळाच्या (पीएमपी) बसला आग लागण्याच्या १७ घटना गेल्या दोन वर्षांत घडल्या असून, आगीच्या भक्ष्यस्थानी पडलेल्या सर्व बस या टाटा कंपनीच्या असल्याची माहिती पीएमपी प्रशासनाने दिली. या पार्श्वभूमीवर पीएमपी प्रशासनाकडून टाटा कंपनीला विचारणा करण्यात येणार असून, 'पीएमपी'च्या ताफ्यातील टाटा कंपनीच्या सर्व बसची तपासणी करण्याची मागणी करण्यात येणार आहे.

पाणीटंचाईतही सिमेंट काँक्रिट रस्त्यांच्या कामांचा धडाका

शहरातील पाणीटंचाईच्या पाश्र्वभूमीवर पाणी काटकसरीने वापरण्याचा सल्ला दिला जात असला, तरी पिण्याच्या पाण्याचा मोठय़ा प्रमाणावर अपव्यय होणार असल्याची वस्तुस्थिती पुढे आली आहे. नागरिकांची मागणी नसतानाही गल्लीबोळात सिमेंट काँक्रिटीकरणाचे रस्ते करण्याचा सर्वपक्षीय नगरसेवकांचा धडाका कायम राहिला असून रस्ते काँक्रिटीकरणाच्या तब्बल २५० ते ३०० कामांच्या निविदा मंजुरीच्या प्रतीक्षेत आहेत. यातील काहींना मंजुरी मिळाली असून रस्त्याच्या कामांसाठी पिण्याच्या पाण्याचा मोठय़ा प्रमाणावर वापर होणार असल्याचेही या निमित्ताने स्पष्ट झाले आहे.

हडपसरपर्यंत धावणार पुणे मेट्रो-मुख्यमंत्री

पुणे शहरातील नागरिकांना सार्वजनिक वाहतूक सक्षम होण्याच्या दृष्टीने मेट्रो प्रकल्प राबविला जात आहे. त्यातील एक टप्पा हिंजवडी ते शिवाजीनगर मेट्रो धावणार आहे. मात्र आता हडपसर पर्यंत ही मेट्रो धावणार असल्याची घोषणा मुख्यमंत्री देवेंद्र फडणवीस यांनी हडपसर येथील कार्यक्रमात  केली.

जवानांसाठी महापालिकेतर्फे फराळाची भेट

पुणे : देशाच्या रक्षणासाठी सीमेवर अहोरात्र पहारा देणार्‍या लष्करी जवानांसाठी खास दिवाळीच्या फराळाची अनोखी भेट महापालिकेच्या नगरसचिव विभागातील कर्मचार्‍यांनी पाठविली आहे. मराठा बटालियनच्या युनिट-18साठी भोर गावचे मराठा बटालियनमधील जवान तुषार शेटे यांच्या माध्यमातून बुधवारी हा फराळ पाठविण्यात आला. महापौर मुक्ता टिळक, उपमहापौर डॉ. सिद्धार्थ धेंडे, स्थायी समिती अध्यक्ष योगेश मुळीक, सभागृह नेते श्रीनाथ भिमाले, नगरसचिव सुनील पारखी, उपनगरसचिव राजेंद्र शेवाळे, नगरसेवक सचिन दोडके यावेळी उपस्थित होते.

स्वच्छतागृहे झाली गोदामे, आरटीओ कार्यालयातील भिषण चित्र

पुणे : पुरुष आणि महिलांच्याही स्वच्छतागृहात फायलींनी भरलेल्या गोणपाटांच्या थप्प्या, टाकून दिलेल्या जुन्या खुर्च्या, मोडतोड झालेले फर्निचर, फुटलेले बेसिन अन्‌ तुटलेले भांडे... हे चित्र आहे प्रादेशिक परिवहन कार्यालयातील स्वच्छतागृहाचे. परिवहन कार्यालयात एकूण आठ स्वच्छतागृह असून, त्यातील दोनच सध्या सुरू आहेत. अन्य सहा स्वच्छतागृहांमध्ये कार्यालयातील जुनी कागदपत्रे ठेवलेली आहेत.