पुणे : स्मार्ट सिटी प्रकल्पांसाठी दिला जाणाऱ्या प्रतिष्ठेच्या स्कॉच पुरस्कारांवर यंदा पुणे स्मार्ट सिटी डेव्हलपमेंट कॉर्पोरेशन लिमिटेडने (पीएससीडीसीएल) मोहोर उमटवली असून, पुण्याला ऑर्डर-ऑफ-मेरीट पुरस्कार मिळाला आहे. पुणे स्मार्ट सिटीच्या शिरपेचात आणखी एक तुरा खोवला गेला आहे. निवड समितीद्वारे मूल्यांकन, नागरिकांचे मतदान अशा परिमाणांनुसार पीएससीडीसीएलच्या कामाचे प्रमाणीकरण आणि परीक्षण करून कडक निकषांच्या मूल्यांकन प्रक्रियेद्वारे स्कॉच पुरस्कारासाठी पीएससीडीसीएलची निवड करण्यात आली आहे. या प्रक्रियेमुळे इतर पुरस्कारांपेक्षा स्कॉच पुरस्कार आगळावेगळा व उल्लेखनीय ठरतो, आणि पुरस्कारार्थी प्रकल्प हा वस्तुतः देशात सर्वोत्कृष्ट असल्याचे या पुरस्कारामुळे प्रमाणित होते.
No comments:
Post a Comment