पुणेरी चहाचा मिलाप

अमृततुल्य चहा तर सर्वांनीच पिला असेल पण चक्क पुण्यातलं अमृत पिलय का असं कुणी विचारलं तर मी छाती ठोकून सांगेन(५६ इंच नसली तरी)  “जी हा मित्रों”.स्पर्धा परीक्षा तत्सम लढाईमधील एक तरी जिंकायचीच या निश्चयाने नियती शी झुंज देणारे संघर्षयोद्धे, आगामी प्रेमाच्या दुनियेत डोळ्यांनी योगासने(रामदेव बाबा ची नाही) करण्यासाठी आलेले प्रेमवीर व खऱ्याखुऱ्या प्रेमाच्या दुनियेतले रहिवासी, पाय मोकळे करतो असं सांगून मन मोकळं करायला बाहेर पडलेले तमाम आजी आजोबा आणि समर्थांच्या ठेविलें अनंते तैसेचि राहावे उक्तीचे तंतोतंत पालन करणारे वाडावासी या सर्वांच्या जिव्हाळ्याचा विषय म्हणजे “पत्र्या मारुती चा चहा”