शहरी गरिबांना उपचारासाठी मिळणार 2 लाखांचा खर्च

निराधार ज्येष्ठ, अनाथांना उत्पन्न दाखल्याची अट वगळली

पुणे – शहरी गरीब वैद्यकीय सहाय्य योजनेअंतर्गत पॅनेलवरील खासगी रुग्णालयात अंतर्गत विभागातील वैद्यकीय उपचारांसाठी एक लाखाची मर्यादा रक्कम दोन लाखांपर्यंत वाढविण्यात आली आहे. योजनेअंतर्गत सभासदत्व मिळण्यासाठी वय वर्षे 60 पेक्षा जास्त वय असलेल्या निराधार ज्येष्ठ नागरिकांना व अनाथ मुलांना उत्पन्न दाखल्याची अट वगळण्यास स्थायी समितीने मान्यता दिली आहे.