पौडरोडला फ्लेक्सबाजीचे ग्रहण

पौडरोड : दीपक पाटील

पौडरोड परिसरातील प्रमुख रस्ते, चौक, सार्वजनिक ठिकाणे, मोकळ्या जागांवर तसेच पौडफटा, मोरे विद्यालय चौक, एमआयटी कॉलेज परिसर, वनाज कॉर्नर, शास्त्रीनगर, कोथरूड डेपो, चांदणी चौक या परिसरात अनधिकृत फ्लेक्सला उधाण आले आहे. या अनधिकृत होर्डिंग्जबाजीमुळे संपूर्ण परिसर विद्रुप झाल्याचे दिसून येत आहे. परिसर विद्रुपीकरणासह पालिकेची परवानगी न घेता जाहिरातबाजी करणार्‍यांवर कारवाई का केली जात नाही, असा प्रश्‍न नागरिक विचारत आहेत.