'तथ्य आढळले नाही...'

शहरातील अवैध धंद्यांना चाप लावण्यासाठी पोलिसांकडून प्रयत्न केला जात असल्याचे सांगण्यात येत असले तरीही, राजरोसपणे शहरात अवैध धंदे सुरू असल्याचे दिसून येत आहे. गेल्या आठ दिवसांत पुणे आणि पिंपरी-चिंचवड शहरातील ६२ नागरिकांनी पोलिस कंट्रोल रूमला ४५ ठिकाणी अवैध धंदे सुरू असल्याच्या तक्रारी केल्या आहेत. त्यापैकी केवळ दोन ठिकाणी पोलिसांनी कारवाई केली असून, उर्वरित ठिकाणी तक्रारीप्रमाणे परिस्थिती आढळून आली नसल्याचे पोलिसांकडून सांगण्यात आले आहे. त्यामुळे नागरिक पोलिसांची दिशाभूल करीत आहेत की, अवैध धंद्यांना अभय दिले जात आहे, असा प्रश्न उपस्थित केला जात आहे.