महापालिका आणि पोलिसांची हातमिळवणी

वाहतूककोंडी सोडविण्याचा निर्धार

शहरात दिवसेंदिवस वाहतूक कोंडीत मोठ्या प्रमाणात वाढ होत असून, त्यावर तोडगा काढण्यासाठी महापालिका आणि पोलिस प्रशासनाने एकत्रित काम करण्याचा निर्णय घेतला आहे. 'महापालिकेचे अधिकारी महिन्यांतून एकदा पोलिस आयुक्तालयात बैठकीस जातील, तर पोलिस अधिकारी त्या पुढील महिन्यात महापालिकेत येतील. पोलिस आणि महापालिका यांच्यातील समन्वयाने एकत्रित काम करून शहरातील वाहतूक कोंडी सोडविण्यासाठी प्रयत्न करण्यात येतील,' अशी माहिती महापालिका आयुक्त सौरभ राव यांनी सर्वसाधारण सभेत दिली.