पुणे - बेकायदा अतिक्रमणे हटविणाऱ्या पथकांतील कर्मचाऱ्यांना हटकण्याचा नगरसेवकांचा उद्योग अजूनही सुरूच असल्याचे मंगळवारी पुन्हा आढळून आले. अतिक्रमणविरोधी मोहिमेच्या केंद्रीय पथकातील निरीक्षकांवर दबाव आणत काही नगरसेवकांनी कारवाई रोखण्याचा प्रयत्न केला. तेव्हा वरिष्ठ अधिकाऱ्यांनी मात्र कठोर भूमिका घेत स्टॉल आणि हातगाड्या ताब्यात घेतल्या. दुसरीकडे मात्र अतिक्रमणांना सरसकट नगरसेवक कारणीभूत नसल्याचा दाखला देत, ज्या भागातील नगरसेवक हस्तक्षेप करतात, त्यांची नावे जाहीर करण्याची मागणी सर्वपक्षीय नगरसेवकांनी "सकाळ'कडे केली. त्यामुळे मोहिमेत अडथळे येणार नाहीत, अशी त्यांची अपेक्षा आहे.
No comments:
Post a Comment