गणेशोत्सवानिमित्त महापालिकेच्या वतीने गतवर्षी विश्‍वविक्रमी गणेशमूर्ती तयार करण्याचा उपक्रम घेण्यात आला. या उपक्रमाची नोंद गिनीज बुक ऑफ वर्ल्ड रेकॉर्डमध्ये करण्यात येणार असल्याचा मोठा गाजावाजाही पालिकेकडून करण्यात आला होता. या नोंदणीसाठी गिनीज बुककडे 2 लाख रुपयांचे शुल्कही जमा केले होते. मात्र यासंबंधीचा प्रस्ताव अद्याप गिनीज बुककडे पाठवलाच गेला नसल्याची माहिती विश्‍वासनीय सूत्राकडून मिळाली आहे. यासंबंधी पालिकेच्या विविध विभागांचे प्रमुख एकमेकांकडे बोट दाखवत टोलवा टोलवी करत असून या विषयावर बोलणेही टाळत आहेत. दुसरीकडे प्रस्ताव पाठविण्याचे काम ज्यांना दिले आहे, तेही फोन घेत नसल्याने हा प्रस्ताव नेमका गेला कुठे, असा प्रश्‍न उपस्थित केला जात आहे.
No comments:
Post a Comment