महापालिकेने २०१३मध्ये होर्डिंग्जसाठी २२२ रुपये प्रति चौरस फूट दराने जाहिरात शुल्क आकारण्याचा घेतलेल्या निर्णयाला शुक्रवारी अखेर महापालिकेच्या मुख्यसभेने मान्यता दिली. हायकोर्टाच्या आदेशानुसार महापालिका प्रशासनाने मे महिन्यांत सादर केलेल्या प्रस्तावाला शुक्रवारी अखेर मुहूर्त मिळाला. तत्कालीन महापालिका आयुक्तांनी नवीन जाहिरात धोरण तयार करून याबाबतचा जुना प्रस्ताव राज्य सरकारकडे विखंडित करण्यासाठी पाठविला होता. ही बाब उघड झाल्यानंतर नगरसेवकांनीही प्रशासनाची कानउघडणी केली. महापालिकेचे नुकसान होऊ नये यासाठी हा प्रस्ताव मान्य करत असल्याचे सांगताना सर्वपक्षीय नगरसेवकांनी अशी चूक खपवून घेणार नसल्याची तंबीही प्रशासनाला दिली.
No comments:
Post a Comment