चांदणी चौकातील बहुचर्चित दुमजली उड्डाणपुलाच्या भूसंपादनासाठी वाहतूक नियोजन प्रकल्पासाठीचा १०० कोटी रुपयांचा निधी वळविला जाणार आहे. या पुलाच्या कामासाठी १८५ कोटी रुपयांचा निधी देण्याची तयारी राज्य सरकारने दाखविली असली तरी त्यासाठी काही जाचक अटी घालण्यात आल्या आहेत. त्यामुळे हा प्रकल्प मार्गी लावण्यासाठी १०० कोटी रुपयांचे वर्गीकरण करण्याची वेळ पालिकेवर आली आहे. उद्या (सोमवारी) होणाऱ्या स्थायी समितीच्या बैठकीत हा प्रस्ताव मान्यतेसाठी येणार आहे.
No comments:
Post a Comment