मेट्रो ‘संवादा’त विसंवाद

कामगार पुतळा वस्तीतील नागरिकांचा तीव्र विरोध

महाराष्ट्र मेट्रो रेल्वे कॉर्पोरेशनच्या (महामेट्रो) सलग दुसऱ्या 'मेट्रो संवाद' कार्यक्रमात योग्य आणि समाधानकारक माहिती दिली जात नसल्यावरून नागरिकांनी गोंधळ घातला. कामगार पुतळा झोपडपट्टीतील सर्व बाधितांचे आहे त्याच ठिकाणी पुनर्वसन करण्याचे लेखी आश्वासन देईपर्यंत 'महामेट्रो'ला वस्तीमध्ये सर्वेक्षण करून दिले जाणार नाही, अशी ठाम भूमिका नागरिकांनी घेतली. मेट्रो होणार असेल, तर याच ठिकाणी 'झोपडपट्टी पुनर्वसन योजना' (एसआरए) झाली पाहिजे, असा आग्रह सर्वांनी धरला.