पदपथ धोरणातील विसंगती उघड

पदपथावरून पादचाऱ्यांना विना अडथळा चालता यावे यासाठी पादचारी सुरक्षितता धोरण करणाऱ्या महापालिकेची पदपथ निर्मितीच्या धोरणातील विसंगती पुढे आली आहे. शहरातील तब्बल ८२६ किलोमीटर लांबीच्या रस्त्यांवर पदपथ नसताना त्या रस्त्यांवर पदपथ विकसित करण्याचे काम करण्याऐवजी ‘मॉडेल रोड’ संकल्पनेअंतर्गत शहरातील प्रमुख रस्त्यांवरील पदपथ अधिक रुंद करण्याचे काम हाती घेण्यात आले आहे. त्यामुळे आहेत ते रस्ते वाहतुकीसाठी अरुंद होत आहेत आणि शेकडो रस्त्यांना पदपथच नाहीत, अशी परिस्थिती निर्माण झाली आहे.