अतिक्रमणे काढून टाकून शहरातील फूटपाथ पादचाऱ्यांसाठी मुक्त करण्याची मोहीम हाती घेत असताना दुसरीकडे महापालिका, पीएमपी आणि महावितरण यासारख्या यंत्रणांनीच शहरातील अनेक फूटपाथ अडविल्याचे समोर आले आहे. शहरातील रस्त्यांवर फेरफटका मारताना अनेक ठिकाणी पदपथांवर पीएमपीचे बस स्टॉप, 'महावितरण'चे फिडर पिलर, विजेचे खांब यासारख्या असंख्य गोष्टी पदपथावरच असल्याचे चित्र पाहायला मिळते. काही ठिकाणी महापालिकेच्या आरोग्य कोठ्या आणि सार्वजनिक स्वच्छतागृहेदेखील पदपथावरच उभारण्यात आली आहेत. महापालिका प्रशासन पुणेकरांच्या हक्काचे पदपथ सर्व प्रकारच्या अतिक्रमणांपासून मुक्त करणार का, असा प्रश्न पुणेकरांकडून विचारला जात आहे.
No comments:
Post a Comment