पुण्यात रस्ता फुगला

पुणे - रस्ता बनवला चोवीस मीटर रुंदीचा; पण उखडताना त्याची रुंदी भरली तीस मीटर...असं कधी होऊ शकेल का, असा प्रश्‍न तुम्हाला पडला असेल. मात्र, महापालिकेचे अधिकारी आणि नगरसेवकांनी जादूची कांडी फिरवत रस्ता फुगवला ते केवळ स्वतःचे खिसे भरण्यासाठी! ...मग आपले हे कारस्थान चर्चेत येताच संबंधित ठेकेदाराला जुन्या तारखेची बिले देण्याचा खटाटोप करीत ‘आम्ही त्यातले नव्हे,’ हे दाखविण्याचा प्रयत्न अधिकारी करीत आहेत. अधिकाऱ्यांची आपल्यावर नेहमीच मेहरनजर राहत असल्याने ठेकेदारही अधिकाऱ्यांच्या मदतीला धावून आला आहे.